بعد استهداف #الكاتدرائية... مصريون: الشرطة في خدمة التفجيرات
القاهرة
صفية عامر
استيقظت القاهرة اليوم على خبر انفجار في محيط الكاتدرائية المرقسية في العباسية، فتفاعل رواد مواقع التواصل الاجتماعي مع الموضوع، وسط إدانة واستغراب، خصوصاً مع وجود قوات أمنية مقابل معظم الكنائس المصرية، فتساءل مغردون: "كيف حدث الانفجار داخل إحدى قاعات الصلاة؟".
الشيخ ماكو غرّد قائلاً "طب أنا علشان أدخل الكاتدرائية فيه سور كله عساكر ورجال أمن تكفي تأمن حدود كاملة وبوابات إلكترونية وقربوا يجيبو تنين مجنح، إيه؟!".
وكتب محمد إدريس "إزاي يعني انفجار بمبنى الكنيسة القديمة داخل محيط #الكاتدرائية وهي عليها أمن وحراسات مابتعديش نملة؟! حاجة بالحجم اللي يقتل 20 ويصيب 40 إزاي عدت من الحرس العرمرم اللي مرابط هناك؟! معناه إيه ده؟ ...ما أشبه اليوم بكنيسة القديسين".
وعلى "فيسبوك"، تساءلت أمينة سلامة عن كيفية حدوث الانفجار في ظل تواجد أمني "ازاي انفجار في حتة كلها شرطة وتأمين؟!".
Twitter Post
|
نهال، غرّدت بأن الإرهاب لا دين له، مشيرةً إلى تفجير الهرم الأسبوع الماضي "يوم الجمعة حطوا القنبلة جنب مسجد والنهارده حطوها جنب كنيسة الإرهاب لا دين له".
وفي إدانةٍ مبطنة للأجهزة الأمنية، غرّد أحمد مجدي "بيفكرونا بالتفجيرات عشان كنا قربنا ننسى عشان بدأنا نفكر فـي لقمة العيش".
وأكد محمد على وحدة الشعب المصري رغم الظروف، قائلاً "مهما يحدث ومهما يكون الشعب المصري نسيج واحد وايد واحدة".
Twitter Post
|
بينما طالب أسامة بشفافية التحقيقات وعلانيتها "المفروض مشاهدة الكاميرات علانية للجميع، ويكون كل التحقيق بشفافية لمعرفة الإرهابيين الحقيقيين. نفسي أعرف مرة تفاصيل جريمة في مصر".
وكتبت منى رامون "علاج مصابي #حادث #تفجير #الكاتدرائية في مستشفيات #الجيش، وممكن قرار كمان إن ترميم الكنيسة هينفذه القوات المسلحة.. لكن محدش هيقدر يرجع كل الشهداء اللي ماتوا واللي أغلبهم سيدات وأطفال".
تابع آخر أخبار العربي الجديد عبر Google News
ذات صلة
المزيد في منوعات
