إحباط سرقة سور قلعة صلاح الدين في القاهرة... "لسه أبوالهول"

وغردت ناهد ساخرة: "آثار ايه بس اللي اتهربت لإيطاليا ومتحسرين عليها دي يا اخوانا المهم احباط محاولة سرقة سور القلعة". وشاركتها غدي حكيم "‏وزارة الآثار أحبطت محاولة سرقة سور القلعة عاش يا رجالة عاش ‏‎أيوه استبسال في الحفاظ على الآثار شوفتي شايفين شغلهم ازاي!".

وسخر صاحب حساب "أعقل مجنون وأجن عاقل": "مهو احنا نسيب جزر بمزاجنا... ماشي... نسيب الآثار تمشي على حل شعرها وتخرج تروح إيطاليا في توابيت... ماشي... لكن تسرقوا السور بتاع القلعة دا اللي مش ممكن أبدا ولا تفكر فيه... بس ممكن تدفع وأعطيك القلعة بالسور بتاعها".

وتوقع شاكر حقي: "محاولة سرقة سور القلعة، حاجة غريبة أوي، أكيد كانوا ناويين بعد كده يسرقوا القلعة نفسها وبعدين يركبوا القلعة والسور في مكان تاني".

وأعرب عبدالفتاح عن سعادته ساخراً: "‏هيئة الآثار الإسلامية أصدرت بيان بتقول أنه تم إحباط سرقة سوووور القلعة... الحمد لله أن القلعة نفسها متسرقتش. ربنا يستر على أبو الهول".

وعلق محمد إسماعيل على بيان وزارة الآثار: "‏مش عارف ازاي سرقة سور القلعة يعني؟ ممكن نصحى منلقيش القلعة نفسها؟ ايه البلد السايبة دي".

وتعجب السكري المعروف بـ "غريب وأنا في بلدي": "‏قبضوا على اللي كانوا هيسرقوا سور قلعة صلاح الدين... ولسه ما قبضوش عاللي سهل تهريب أكتر من 100 قطعة أثرية في حاوية دبلوماسية!".

وغرد مجدي أبوالسعود: "إحباط محاولة لسرقة سور قلعة صلاح الدين... ماذا تبقى في هذا البلد ليسرقة لصوص الوطن الرسميين وغير الرسميين؟".