ساخرون: "السيسي مدفعش أجرة الحنطور وقال هات الحصان"

السائق، سيد عبد الناصر محمد البغدادي، في حواره بالفيديو مع جريدة وموقع "الوطن"، قال: "السيسي خلّاني مش قادر أنام ليلتي، أنا لغاية دلوقتي مش مصدق إنى قابلت الرئيس". وتابع "والفرحة مش سايعاني، لدرجة إنى كنت عايز الناس كلها تشوفني، وفعلاً ده حصل ولقيت صورتي في كل الصحف وعلى مواقع التواصل الاجتماعى وفي الفضائيات وبقيت أشهر سائقي الحنطور في أسوان". وعلى استحياء ذكر سيد: "كان نفسي أقول للريس اهتم بالسياحة شوية عشان هي مصدر رزقنا الوحيد بس ما لحقتش".

رواد التواصل، استقبلوا فقرة سائق الحنطور بسخرية لاذعة، بين وصف السائق بعقيد أمن الدولة، أو أحمد موسى ومصطفى بكري الحناطير، وكانت ردود متابعي صفحة جريدة "الوطن" على فيسبوك شديدة الهجوم، وصلت لسب السائق والموقع والصحافي الذي أجرى الحوار.

فمنى علقت على حوار سائق الحنطور: "طب ابقى كمل باقي يومك وأكل عيالك بالأملة اللي أنت بقيت فيها، تكونش قابلت نبي ولا رسول الإنسانية، والله تستاهلوا تتمرمطوا في الفقر ومايصعبش علينا حالكم"، أما أحمد فتساءل: "هو أنت قعدت مع أحمد موسى أو مصطفى بكري قبل ما تطلع المشوار ده ولا إيه ... يا راجل عيب عليك ده أنت صعيدي وأسواني كمان، يعني منبع الرجال عيب عليك لما تقول مش عارف أنام".

وسخر أيمن الجوهري: "دا تلاقيه جاله تبول لا إرادي لما راحوا جابو، دا يا عيني شعراوي كان مثبته تثبيته سودا، طب بالنسبة للحصان بينام ولا صاحي برضه، يخرب بيت كده احنا شعب مالوش حل".

وعلى تويتر كانت السخرية أكبر، فهللت نور لظهور الحوار المرتقب: "الناس اللي كانت بتسأل امتى اللقاء مع سواق الحنطور والحصان... اتفضلوا"، وسخر علاء: "وانت شايف السيسي راكب مع سواق الحنطور لا تستغرب أن يكون هذا السواق عقيداً على  الأقل اللي قابله في الفرافرة وعمل فلاح كان موجه في التعليم".

وسخر قدري: "والباشا سواق الحنطور بقي شغال في المخابرات العامة ولا في مباحث أمن الدولة؟؟؟ دة مش بعيد الحصان نفسه يكون ظابط متنكر"، وسخر "الشيخ حسني": "بيقولك سواق الحنطور طلب منه أجرة التوصيلة فراح قايله لا يا خفيف هات أنت الحصان ده عشان مصر".

وسخر أيمن: "الطبيعي ان سواق الحنطور حرس شخصي السيسي متخفي لكن اللي مش طبيعي ان الحصان نفسه  يكون مخابرات"، ونقل مقدام عن المقربين من سائق الحنطور: "حدثني أحد الثقات من عمال المقهى يقول اتصلت في ولد عمي سواق الحنطور، والله مدفعش ولا مليم حضرتك وبعد ما وصلته قالب ماتجيب الحصان دا عشان ماااسر".