هجوم على وزير المالية المصري بسبب تصريح "بره بيحسدونا"
هاجم مغرّدون مصريون، وزير المالية محمد معيط، بعد تصريحاته الأخيرة بخصوص الأوضاع المالية والاقتصادية، وذلك خلال مداخلة أجراها مع برنامج "بالورقة والقلم" قال فيها: "علينا كمصريين منضيعش بلدنا، واللي بره بيحسدنا على اللي إحنا فيه، ويتحدثون عن تواجد استقرار وأمن وتنمية وخلق فرص عمل رغم الظروف الصعبة التي نمر بها".
وهو ما اعتبره عددٌ من المغردين "انفصالاً عن الواقع"، نظراً لزيادة الدين الداخلي والخارجي، واتجاه الدولة لبيع الأصول، والأزمة الاقتصادية الطاحنة التي ترفع نسب البطالة وتؤدّي إلى زيادة مستمرة في الأسعار.
وكتب هشام البسيوني: "الوزير دا لو عمل برنامج كوميدي وسماه معيط شو، ها يبقى هايل".
أمّا أحمد بدوي فسعى لكشف التناقض في كلام معيط، وكتب: "يعني 150 تقرير دولي (سلبي)، صدر عن الأوضاع في مصر، وفي نفس ذات الوقت، الناس بالخارج اللي هما المفروض عملوا التقارير دي، بيحسدونا على الأمله اللي احنا فيها! لا ده انت محتاج فرقة الأستاذ حماده سلطان، علشان تعمل وراك تنتارارارا تنتن، أما راجل معيط صحيح".
بدوره، كتب هاني سالم: "أمال! بأمارة إن الجنيه بيزحف على بطنه للخلف، والحكومة تقترض بلا حدود. بمعنى أدق تبني البنك المركزى حالياً سياسة تخفيض زاحف للجنيه المصري، مع إبقاء أسعار الفائدة على ما هي عليه، والتوسع في الاقتراض لصالح الحكومة. يا معالي الوزير مصر كلها مسخرة الآن لخدمة سيادة الدين العام".
وفي محاولة ساخرة لتفسير كلام الوزير كتب إسلام عبده: "بره (يقصد) العلمين". وكذلك الحال بالنسبة إلى عمار علي حسن الذي كتب: "وزير مالية مصر القديمة".
بدوره، سخر هشام من الوزير قائلاً: "وجوا كمان بنحسدكم على اللي انتم فيه ده، شكرا سعادة الوزير".
أمّا رامي شاهين فكتب: "من كام سنة معيط اتسبب في إن الوزراء كلهم يتمنعوا من الظهور في التلفزيون، بعد ما قال كل ما اتزنق حاستلف. النهارده لو فتحت الحنفية حينزلك منها معيط. لو دي فكرتكم للرد على كلام عماد أديب، فكل دقيقة تليفزيونية لمعيط بتثبت كلامه أكتر".
الوزير دا لو عمل برنامج كوميدي وسماه " معيط شو " هيبقى هايل pic.twitter.com/LReZaaqF7Z
— Hesham Albasuoni (@Heshambasuoni) August 30, 2022
أمال!!!!!!!!
— هانى سالم _ Hany Salem (@HSalim_Writer) August 30, 2022
بأمارة إن الجنيه بيزحف على بطنه للخلف، والحكومة تقترض بلا حدود. بمعنى أدق تبني البنك المركزى حالياً سياسة تخفيض زاحف للجنيه المصري مع إبقاء أسعار الفائدة على ما هي عليه، والتوسع في الإقتراض لصالح الحكومة.
يا معالي الوزير مصر كلها مسخرة الآن لخدمة سيادة الدين العام https://t.co/GX0nCugmFA
وزير مالية مصر القديمة .. https://t.co/EAnlhkoEjN
— عمار علي حسن Ammar Ali Hassan (@ammaralihassan) August 29, 2022
بره العلمين 😑 pic.twitter.com/t5QGja7jlY
— جناب/ المواطن😑 (@eslamabdo198600) August 29, 2022
وجوة كمان
— مدونة افتكاسات (@HESHAMH16075134) August 30, 2022
بنحسدكم
على اللى انتوا فية دة
شكرا سعادة الوزير https://t.co/80t4rYxrpK
من كام سنة معيط اتسبب في إن الوزراء كلهم يتمنعوا من الظهور في التليفزيون بعد ما قال كل ما اتزنق حاستلف. النهارده لو فتحت الحنفية حينزلك منها معيط. لو دي فكرتكم للرد على كلام عماد أديب، فكل دقيقة تليفزيونية لمعيط بتثبت كلامه أكتر.https://t.co/kiH8ywfBNr
— Ramy Shahin (@ramyshahin) August 29, 2022
تابع آخر أخبار العربي الجديد عبر Google News
