مصريون يتفاعلون مع تصريحات السيسي عن الأزمة الاقتصادية: "إيه بتعدي"

تفاعل مصريون، السبت، على مواقع التواصل الاجتماعي مع تصريحات الرئيس عبد الفتاح السيسي عن الأزمات الاقتصادية التي تعاني منها البلاد، خصوصاً محاولته طمأنتهم، معربين في الوقت ذاته عن استغرابهم من السياسة المتبعة.

وقال السيسي، في كلمة ألقاها خلال الجولة التي أجراها فجر السبت في الأكاديمية العسكرية، إنّ "أي أزمة بتمر على أي بلد بتعدي، هي دي الدنيا، ما فيش حاجة بتثبت على حالها". 

وتذكر مغردون، تصريحات السيسي السابقة وقت استعداده لترشيح نفسه لرئاسة الجمهورية، حين قال: "مصر هاتبقى قد الدنيا"، وكذلك "الأول أغني الناس".  

اقتصاد عربي

التحديثات الحية

السيسي يصدر قرارين بإعادة تشكيل مجلسي الاستثمار والتصدير برئاسته

وفي السياق، علّق أحمد رجب على "تويتر" بالقول: "عشان الأشياء يفضل لها معنى. الأزمات بتعدي فعلاً. لكن الدول بتتطور لما - بشفافية - تحلل الأزمات، وتفهم أسبابها، وتحاسب المخطئين، وتضع سياسات لتجنت تكرار الأزمة، أو احتوائها لو كانت خارجة عن سيطرتنا. غير كده الأزمات هاتتكرر، وهانفضل فاكرين إن ده قدرنا. أو ننتظر معجزة زي الريس كده". 

عشان الأشياء يفضل لها معنى.
الأزمات بتعدي فعلا. لكن الدول بتتطور لما - بشفافية - تحلل الأزمات، وتفهم أسبابها، وتحاسب المخطئين، وتضع سياسات لتجنت تكرار الأزمة، أو احتوائها لو كانت خارجة عن سيطرتنا.
غير كده الأزمات هتتكرر، وهنفضل فاكرين ان ده قدرنا. أو ننتظر معجزة زي الريس كده 😔 https://t.co/xbVVia5sDH

— Ahmed Ragab (@Ragab) June 10, 2023

بدورها، كتبت لبنى درويش على "تويتر": "أنا مابقتش فاهمة يعني إيه بتعدي؟ هل مثلاً البديل التاني إننا كنا متخيلين إن الزمن هايقف؟ ما هي بتعدي بفقر وبؤس ومرض ومستقبل أسوأ لملايين، بالمعنى ده كله بيعدي".

أنا ما بقتش فاهمة يعني إيه بتعدي؟ هل مثلا البديل التاني أننا كنا متخيلين أن الزمن هيقف؟ ما هي بتعدي بفقر وبؤس ومرض ومستقبل أسوأ لملايين ، بالمعنى ده كله بيعدي.

— Lobna Darwish (@lobna) June 10, 2023

في حين، لاحظ حسام الحملاوي، أن "لا دراسات جدوى"، مضيفاً أن "ربنا بيكلمه يقول له في المنام هايعمل إيه، ودلوقتي البلد هاتعدي عشان الدنيا حبة فوق وحبة تحت. ده اللي بيحصل لما تجيب واحد كبيره يدير كانتين المعسكر، عشان يدير بلد بحجم مصر، حسبي الله ونعم الوكيل". 

لا دراسات جدوى وربنا بيكلمه يقول له في المنام حيعمل ايه ودلوقتي البلد حتعدي عشان الدنيا حبة فوق وحبة تحت... ده ال بيحصل لما تجيب واحد كبيره يدير كانتين المعسكر عشان يدير بلد بحجم مصر حسبي الله ونعم الوكيل https://t.co/z3IzhU2ofO

— عمو حسام (@3arabawy) June 10, 2023

وكتب شريف عثمان: "الخطة: قلب رجل واحد لإنقاذ الاقتصاد المصري، والخطة: إن شاء الله هاتعدي لدعم محدودي الدخل، مش عارفين من غيرك كنا عملنا إيه". 

الخطه:
قلب رجل واحد
لانقاذ الاقتصاد المصري
والخطه:
ان شاء الله هاتعدي
لدعم محدودي الدخل

مش عارفين من غيرك كنا عملنا ايه pic.twitter.com/N9EnFMtUpQ

— Sherif Osman® (@SherifOsmanClub) June 10, 2023

وعن الحكم العسكري بشكل عام شارك أولفا: "في أزمة بتعدي وتجيب البلد الأرض، زي المجر وفنزويلا وماطلعوش من النفق لحد دلوقتي، وفي أزمة وبتعدى طي ماليزيا وسينغافورة لما اللي يدير البلد الشعب، وناس بتدرس وتخطط. الأزمات هاتحصل كدة كدة، لكن تطلع منها إزاي ده اختيارك انت، وعمر العسكر ما فلحوا في عبور أزمة". 

فى أزمة بتعدى و تجيب البلد الأرض زاى المجر و فنزويلا و مطلعوش من النفق لحد دلوقتى
و فى أزمة و بتعدى زاى ماليزيا و سينغافورة لما اللى يدير البلد الشعب و ناس بتدرس و تخطط
الأزمات هتحصل كدة كدة لكن تطلع منها ازاى دة اختيارك انت و عمر العسكر ما فلحوا فى عبور ازمة

— OLVA (@olva) June 10, 2023