"قمع وقنابل دخان وضرب وتذاكر بالآلاف"، هكذا علق مغردون مصريون على الأحداث التي شهدها حفل المطرب عمرو دياب، بفندق "الماسة" التابع للقوات المسلحة، في مدينة العلمين الجديدة، وهي المدينة المفضلة لجولات الرئيس عبد الفتاح السيسي بالدراجة الهوائية.
وتداول مغردون، فيديو تشكو فيه واحدة من الحاضرات للحفل من تعامل قوات الأمن المشرفة عليه، رغم حيازتها تذاكر vip، بسبب التزاحم ومنعهم من الدخول، وصلت إلى ضربهم بقنابل الدخان المسيل للدموع، بسبب امتلاء المكان عن آخره.
فيديو منتشر على السوشال ميديا عن سوء تنظيم حفلة عمرو دياب الاخيرة !!!!😋 pic.twitter.com/tnRwJyAWJ7
— مُوسِيقَى` (@MosikaNow) August 14, 2021
كما تعجّب البعض من غياب أي إجراءات احترازية، مقارنة بالتضييق على البسطاء في أقواتهم وأماكن العبادة، خاصة مع بدء ارتفاع أعداد المصابين بفيروس كورونا في الأيام القليلة الماضية، والتي علم "العربي الجديد" من مصادر استعداد البلاد لموجة رابعة من انتشار الفيروس، وصدور تعليمات لمستشفيات العزل بالاستنفار تحسبا لاحتمال الإغلاق بداية شهر سبتمبر.
إعلام النظام تعامل مع التزاحم الشديد على حفلات منطقة الساحل الشمالي، خاصة العلمين الجديدة، باعتبارها إنجازا للنظام، ودليلا على حالة الرواج الاقتصادي، فالمذيع المقرب من الأجهزة الأمنية، أحمد موسى على فضائية "صدى البلد" وبرنامجه "على مسؤوليتي"، بشّر المصريين "حفلة الهضبة عمرو دياب في العلمين الجديدة كاملة العدد ومافيش مكان لقدم، وعشرات الآلاف يحضروا وآلاف برة مش عارفين يدخلوا".
أحمد موسى: لا موضع لقدم في حفلة عمرو دياب بالساحل الشمالي #صدى_البلد #على_مسئوليتي pic.twitter.com/skNSWrRX06
— صدى البلد (@baladtv) August 14, 2021
وأشار موسى: "حاجة جميلة ومصر جميلة وناس مبسوطة والتذكرة بتوصل ل4 آلاف جنيه والطرق فوق عقلك"، وكعادته حاول موسى وضع الإخوان في جملة مفيدة: "الناس من 8 سنين كانت تعرف تخرج كده، دي ماكانتش تعرف تخرج من البيوت، لكن دلوقتي شايفين الاستقرار اللي عمل كدة"، وربط موسى بين حفل دياب وتصريحات السيسي بإدراج شركة العاصمة الجديدة في البورصة.
وغرد الكاتب أحمد فرحات: "حفلة عمرو دياب أم 4000 جنيه ضربوا الناس هناك، واللي معاهم تذاكر كمان ومعرفوش يدخلوا.. هو عمرو دياب نفسه أنا مدفعش فيه 50 جنيه أصلا دي حاجة، والحاجة التانية ان مفيش حد عاقل يعمل في نفسه كده وسط وباء وقرف ويروح يتحشر في كل الزحمة دي. وفي الآخر كله بيتداس على وشه حتى اللي معاهم فلوس".
وعن المظاهر التي تشهدها حفلات الساحل، علق حسام: "روبي تضع معايير في شكل الملابس للراغبين في حضور حفلتها، حمو بيكا وضع معايير للراغبين في حضور حفلته، عمرو دياب ضربوا على المتسولين والزاحفين لسماع صوت حضرته مسيل للدموع. أنا مش متعاطف خالص مع أي حد حضر حفلات المذكور أسمائهم، أنا متفاجئ بس بالتطور السريع لمكانة مهنة زي دي".
وتساءلت بروين: "ضربوا قنابل مسيلة للدموع في العالمين على الناس اللي داخلة حفلة عمرو دياب.. وأيه كمان يا مصر يا حبيبتي".
وقص حساب "الأنكل" القصة: "حفلة عمرو دياب في العلمين أقل سعر للتذكره 750 ج الى 3,500 ج، إبتدأ المكان يتملي من الساعه الـ 8 صباحاً وطبعاً على العصر كان المكان full، ووقف ناس كتير دافعه دم قلبها لمجرد الترفيه معترضة على عدم الدخول، وحصل مشاحنات مع الأمن اللي قام بضرب المنتظرين بالشوم والقنابل المسيلة للدموع".
حفلة عمرو دياب في العلمين أقل سعر للتذكره 750 ج الى 3,500 ج، إبتدأ المكان يتملي من الساعه الـ 8 صباحاً وطبعاً على العصر كان المكان full، ووقف ناس كتير دافعه دم قلبها لمجرد الترفيه معترضه على عدم الدخول، وحصل مشاحنات مع الأمن اللي قام بضرب المنتظرين بالشوم والقنابل المسيله للدموع. pic.twitter.com/mxpP1ttcBm
— ألأُنۨګڵ ù́̀́̀́η¢ℓє 𐂅͢ (@1uncl) August 15, 2021
تابع آخر أخبار العربي الجديد عبر Google News
