مقلب "مباحث الإفطار" على موقع "دوت مصر" يثير غضب رواد مواقع التواصل

على طريقة الكاميرا الخفية، قام موقع "دوت مصر"، المقرب من الأجهزة الأمنية، برفع فيديو يظهر ممثلاً يدّعي أنه من "مباحث الإفطار" يقوم بمهاجمة المفطرين في نهار رمضان، ولم يكتفِ بكيل السباب والشتائم لهم، بل وصل الأمر إلى التطاول والاعتداء الجسدي.

وأثار الفيديو غضباً واسعاً وانتقادات لاذعة، ظهرت في تعليقات رواد مواقع التواصل الاجتماعي.

كتب وائل الجابري: "#دوت_مصر منزّلة واحد يعمل شرطة إفطار ويضرب الناس ويرهبهم، وده من أحقر الفيديوهات اللي اتعملت ومش من حقهم يعملوا كده ولازم يتحاسبوا".

وطالب محمد عبدالعزيز بمحاسبتهم: "فيديو موقع دوت مصر اللي بيستظرفوا فيه وبينتحل فيه واحد ظابط مباحث وبيقبض على الناس بحجة إنهم فاطرين في نهار رمضان ويشتمهم ويضربهم مش بس وضيع ومنحط وغير أخلاقي لكن جريمة جنائية لو فيه قانون في مصر يتحاكموا وفضح السلوكيات دي أقل واجب".

واتفق معه أسامة فكري: "طيب فيه فيديو من صفحة دوت مصر، سيئ جداً، سيئ لأبعد حدود، أنا بطلب بعد إذنكم لو أي حد هنا بيفهم في القانون أو لو مصر دي فيها ريحة قانون ياريت يحصل أي إجراء بحيث الموقع دا يتقفل والناس دي تتحاسب على الانتهاكات وكمية الاعتداءات النفسية والجسدية اللي حصلت في الفيديو دا".

بينما تمنّى "باباراتزي" رداً فورياً "كنت أتمنى إن حد من الشباب اللي في فيديو دوت مصر يطلع إبن حد مهم في البلد ويمسك الممثل ده يدوس على وشه ويفطره على نجيلة الجنينة أو أسفلت الشوارع".

وعلقت درشية: "فيديو دوت مصر حتى لو ثبت إنه تمثيل فهو قمة في الخطورة؛ يكرّس الحشرية والتدخل في الحريات بحجة الدين، كارثة في ظل تفشّي الأمية والجهل والطائفية... لو كان الكلام دا صدر عن قناة الناس أو إقرأ أيام مرسي كُنتم مليتوا الدنيا صراخ، ألم تخرجوا ضده خوفاً من هذا المصير؟!".

وكتب المذيع عبدالله الجزار: "أمثال هؤلاء جعلوا أوطاننا وشعوبنا مسخرة الأمم #اقفلوا_دوت_مصر".