مصريون يسخرون: شكري زار القدس المحتلة بحثاً عن "بوكيمون"

في الوقت الذي حذّر فيه الخبراء من استخدام اللعبة في جمع المعلومات، وتوريط بعض المستخدمين لها في التجسس، واختراق الخصوصية، وتحريم بعض شيوخ الدين لها، استحوذت اللعبة على اهتمامات الشباب.

استطاع وسم واحد للعبة الأشهر في العالم وكان تحت اسم #حط_بوكيمون_فاسم_فيلم، أن يتربع على قمة قائمة الأكثر تداولاً، لتكون "البوكيمون غو" محور سخرية المصريين.

علي، وجد البوكيمون حلا لمشكلة الأقصى، فاقترح "‏حطوا البوكيمون عند المسجد الأقصى يمكن العرب يتحركوا!". أما الكاتبة ياسمين الخطيب فسخرت بقولها "‏طول الحلم بطارد البوكيمون.. قفشته 11 مرة.. وصحيت من النوم مفزوعة، لما اكتشفت في الحلم إنه مجرد حلم!".

وربط صاحب حساب "الدولة الهيثمية" بينها وبين حبس حسام حسن، فقال "حسام حسن في اقواله في التحقيق، بيقول انه مكنش بيضرب الواد المصور، بس كان بيدور على البوكيمون"، وغرد حساب ساخر منسوب للرئيس عبد الفتاح السيسي، وقال "‏باب القصر بيخبط لقيت واحد بيقولي البوكيمون بتاعي في الحمام عندكو ممكن ادخل اجيبو.. ايه ده؟".

Twitter Post

ولم تغب نظرية المؤامرة والمجلس العالمي عن التعليقات، فقالت "فونداميا": "قناة ten مستضيفة واحد عشان رأيه في البوكيمون، والبيه خبير استراتيجي قالها دي لعبة حرب من حروب الجيل الرابع، دول اللي اثبتوا ان النووي حلال". ووافقته خبيرة لغة الجسد المؤيدة للنظام، رغدة السعيد، وقالت "هتحطوا عقلكم بعقل لعبة، نظرية المؤامرة مسيطرة، هو انا مقولتلكش ان هي دي حروب الجيل الرابع وان السخرية منها احد اسلحتها، #بوكيمون".

وتعجب "بشتكها" من حمى اللعبة، فسخر قائلاً "بصوا بقي، انا ممكن استحمل اي حاجه عادي جداً، لكن اني الاقي المدير بتاعي، الراجل المُحترم داخل عليا فجأه المكتب، عشان يصطاد البوكيمون، كده اوڤر".

Twitter Post

إلى ذلك، كانت زيارة سامح شكري لإسرائيل حاضرة، فقال الحقوقي والناشط شريف عازر "‏كفاية تبرير لزيارة شكري لإسرائيل، انا حاسس إن حد حيطلع يقول إن شكري كان رايح يصطاد البوكيمون من مكتب نتنياهو".

وسخرت الإعلامية سلمى صباحي بالقول "احنا كأمهات مش محتاجين بوكيمون خالص نجري وراه.. ولادنا قايمين بالواجب وزياده". وسخر سيف "الجنيه الورق رجع والناس بتلعب بوكيمون وكدا، مش ناقص غير ان حسن شحاتة يمسك المنتخب واجزم اننا رجعنا عشر سنين ورا تاني".

كذلك سخر رفعت "هتجيب النتيجة بتاعتك امتى؟ - لما يظهر بوكيمون عند الجامعة عشان يبقى مشوار واحد". وعلّقت الناشطة مونيكا حنا "بوكيمون جو عملت في يومين اكتر من اللي عملته قناة السويس بتفريعتها في سنة".

Twitter Post