مصريون عن "الإصلاح الاقتصادي لـ#وزير_الماليه: تحس أننا شعب سويسرا

وكتب حساب ساخر باسم حسني مبارك: "كلمة إصلاح استخدمها بلحة للتغطية على فشله، فشله في إرجاع السياحة، فشله في جلب استثمارات، فشله في الحفاظ على النيل، فشله في إقامة مشروعات تنموية".

وعلق بيدو: "#وزير_الماليه حضرتك لما تهلك الجيل ده مش هيبقى في جيل يعيش التقدم الاقتصادي اللي بتهروا فيه".

وهاجمه كريم أحمد: "الإصلاح الحقيقي هو اللي يبدأ بقطع جذور الفساد في الوطن ومحاسبة الفاسدين واللي نهبوا أموال الدولة من 30 سنة ولحد دلوقتي.. الإصلاح إني أشتغل على موارد الدولة أكتر وأنميها مش أمنع زراعتها وتطويرها؟!! إنما النهب من جيوب الشعب ده مش إصلاح ديه سرقة وتدهور وقهر وقرف، لنا الله".

وسخر حسن حجازي: "#وزير_الماليه عايشين في قهوة بلدي والمعلم بيحاسبنا بأسعار ستاربكس".

فيما وجه د. محمد زهران طلباً: "السيد رئيس الجمهورية ورئيس الوزراء ورئيس البرلمان ووزير المالية: خدوا فيزا المرتب وكل واحد يستخدمها شهر ووروني هتعملوا إيه؟!!".

وسخر محمود - بتاع علوم: "#وزير_الماليه تحس السيسي والوزرا بتوعه بيأخذوا قرارات وبيقولوا تصريحات للشعب السويسري أو الألماني.. أصل دي مش تصريحات وزراء دولة معومة الجنية بتاعها أو عليها ديون فوق الـ80 مليار دولار دي تصريحات وزراء دول متقدمة وعندها اقتصاد والكلام اللي منعرفش عنه حاجة ده".

وعن الديون التي وصلت إلى 3,8 تريليونات جنيه، بحسب تصريحاته، كتب إعمل عبيط: "#وزير_الماليه إنت بتكلمنا عن الديون كأننا إحنا اللي استلفنا؟!!! أحب اقولك ديونكم دين ماشفناش من ديك أبوها حاجة أصلا، بتاخدوها توزعوها ع نفسكو وبلاش تحسسونا إنكم ماسكين خرابة عشان هي لو خرابة مكنتوش هتبقوا زي الكلب اللي مسك عضمة مش عاوز يسيبها".

وردّد وزير المالية نفس الجملة التي يتداولها إعلام النظام ولجانه الإلكترونية وهي أن السيسي ضحى بشعبيته في سبيل الإصلاح الإقتصادي فعلق رامي هاشم: "هي إيه حكاية شعبيته دي أمال إزاي نتيجة الانتخابات كانت 99% يعني لو ما فضلش إنقاذ مصر على شعبيته كانت النتيجة هتبقي 180% ؟؟".

وكتب نديمز: "#وزير_الماليه: السيسي ضحى بشعبيته عشان الإصلاح الاقتصادي والمواطن شعر بمردود الإصلاح الإقتصادي. الكلام متناقض إلا لو يقصد بشعور المواطن بالمردود إننا شعرنا إن الإصلاح ده رد في مصلحتنا دمرها".

بينما جاءت تغريدة حنتيشة بما يشبه التوقع: "#وزير_الماليه أبشرو في صب جديد قادم وسيادة وزير المالية بيبدأ شغله بتعريضة".