مصريون: ربنا أرحم من جمع مصيبتين السيسي وخسارة المنتخب
لم يشغل الفوز المصريين عن ألاعيب السيسي (تويتر)
"ربنا أرحم بكتير من إنه يجمع علينا مصيبتين في وقت واحد، السيسي وخسارة المنتخب"، بهذه السخرية استقبل ناشطون فوز المنتخب المصري، على نظيره المغربي، وصعوده إلى المربع الذهبي بكأس الأمم الأفريقية.
ووسط "المولد" وتطبيل الكتائب الإلكترونية، ومحاولة تبييض وجه النظام بالفوز الكروي، خاصة بعد تهنئة السيسي للمنتخب، أثناء زيارته لإثيوبيا، وانشغال بعض رواد التواصل بمعركة السحر الدائرة بين "الشيخة خديجة المغربية" و"جامايكا عصام الحضري"، لم تستطع حتى الكرة شغل المصريين عن حقيقة فشل النظام وألاعيبه.
فالناشط والحقوقي شريف عازر دعا المصريين للفرحة قائلاً: "الناس اللى مش عارفة تفرح و بتقول إن فوز المنتخب السيسي هيكسب به شعبية نسيت إن أيام مبارك المنتخب كسب 3 مرات وبردو مبارك انتهى في السجن"، وتنبه علاء نور للعبة النظام: " #عصيان_السيسي_فرض، برضه نفس الحركات بعد ما ثبت إنه خاين، بيشغلك إنك تدافع عن تريكة، أو يكلمك عن المنتخب، أو تعديل وزاري، ألاعيب العسكر مفيش جديد".
وسخر أبو راشد من مرتبات السيسي قائلاً: "إن شاء الله لما المنتخب ياخد كاس افريقيا، السيسي هينزل مكافآت للقضاة والجيش والشرطة برده"، أما نضال فكانت وجهة نظرها: " #بلاش_مزايدات على فرحة الناس بفوز المنتخب (منتخب مصر اللي بيلعب مش منتخب السيسي)، الناس بصوا في وشوشها و شوفوا البؤس والتعب اللي هما فيه".
محمد سالم غرد بمخاوفه: "والله كل اللي مزعلني لو خدنا البطولة ديه إن السيسي هيتصور مع المنتخب، يلا مش مهم مبروك لكل مصر ما عدا عبد الفتاح - يشعر بـالسعادة"، ووافقته ريهام: "بعد مداولات استقر الرأي على: 1- من حقنا نفرح شوية ما دام الكورة مش بتلهينا 2- في واحد بس مايستاهلش يفرح معانا. مبروك علينا كلنا ماعدا السيسي".
وعن الشيخة خديجة المغربية والسيسي سخر معتز: "العثور على نوت عليه هاتف أم خديجة المغربية بعد مقتلها تفيد بأنها ساعدت المنتخب على الفوز على منتخب بلادها نظراً لكون السيسي فارس أحلامها #شجع_مصر"، وسخر أحمد كابو: "ولو انتوا عندكوا الشيخة خديجة المغربية بتجلب الحبيب فى ربع ساعة، فاحنا عندنا السيسى بيجيبلنا الوكسة والهم في 3 دقايق .. مابنتهددش".
وعن ألاعيب النظام أثناء انشغال المصريين بمباريات كرة القدم، حذر توتي: "حد يخلي باله من السيسي في إثيوبيا ممكن يتنازل عن النيل في وسط الفرحة دي"، ووافقته نجوى: " السيسي غافلنا في الماتش وسافر إثيوبيا يا جدعان.. احنا ننزل على الكورنيش نحرس النيل بقى".
تابع آخر أخبار العربي الجديد عبر Google News
المزيد في منوعات
