الحكومة المصرية تقلل حجم رغيف الخبز... وغضب على مواقع التواصل

ما إن أعلنت وزارة التموين المصرية تقليل حجم رغيف الخبز من 110 غرامات إلى 90 غراماً، وزيادة تكلفة إنتاج جوال الدقيق بين "25- 43 جنيها" للمخابز اعتباراً من غ الثلاثاء، حتى لاقت الخطوة هجوماً واسعاً وغضباً عارماً على مواقع التواصل الاجتماعي.

بسخرية علّق حمادة: ‏"من أول شهر 7 أسعار الكهرباء زادت، واليوم أسعار المترو، وغدا يتم تخفيض وزن رغيف العيش 20%، لازم الفقراء يقفوا بجانب الحكومة وهي بتحاول تحسين وضع الأغنياء".

من اول شهر ٧ اسعار الكهرباء زادت
واليوم اسعار المترو وغدا يتم تخفيض وزن رغيف العيش 20% لازم الفقراء يقفوا بجانب الحكومه وهى بتحاول تحسين وضع الاغنياء

— hamada hassan X (@hamadah95184803) August 17, 2020

وكتب الملك: "‏أنتم بتعاملونا معاملة العبيد، زود كهرباء زود ميه زود غاز، ادفع فلوس واشتري بيتك اللي انت بانيه من فلوسك، اعدمونا وريحونا بقى، حسبي الله ونعم الوكيل فيكم، تزوّدوا كل حاجة وتنقّصوا رغيف العيش". 

أنتم بتعملونا معاملة العبيد زود كهرباء زود ميه زود غاز ادفع فلوس واشتري بيتك اللي انت بانيه من فلوسك... اعدمونا وريحونا بقى حسبي الله ونعم الوكيل فيكم،

تزودوا كل حاجه وتنقصوا رغيف العيش❗ pic.twitter.com/jfm6e7gHaX

— The King (@fha_mohamed) August 17, 2020

وشارك محمد: ‏"تذكرة ‎#المترو بقيت بـ10 جنيهات، رغيف العيش من 110 جرامات إلى 90 جراما، ماحدش قادر يفتح بقه، ماحدش عارف بكره حايلاقي ميه يشرب ولا لأ، ماحدش عنده شعور بالأمان أو مطمّن على مستقبل أولاده، كله شايف البلد بتتقطع حتة حتة وتتوزع ع اليونان وقبرص والسعودية وساكتين، ياريت تكونوا بس مبسطوين بالانقلاب". 

تذكرة #المترو بقيت ب10 جنيه
رغيف العيش من 110 جرام إلى 90 جرام
محدش قادر يفتح بقه
محدش عارف بكره حيلاقي ميه يشرب ولا لأ
محدش عنده شعور بالأمان أو مطمن على مستقبل أولاده
كله شايف البلد بتتقطع حته حته وتتوزع ع اليونان وقبرص والسعودية وساكتين
ياريت تكونوا بس مبسطوين بالانقلاب

— محمد (@muhmdd) August 17, 2020

واستكملت أصالة: ‏"والله والله لو رغيف العيش بقى بـ100 جنيه، وبقينا ناكل من البعض زي الزومبي من الجوع، عمري ما حاندم على مشاركتي في ثورة 25 يناير، مهما ضلت طريقها هي أعظم وأهم حدث في تاريخ مصر". 

والله والله لو رغيف العيش بقي ب ١٠٠ جنيه
وبقينا ناكل من البعض زي الزومبي من الجوع
عمري ما حندم علي مشاركتي في ثورة ٢٥ يناير مهما ضلت طريقها هي اعظم واهم حدث في تاريخ مصر ❤️❤️❤️

— assala|اصاله (@garetelqamar) August 17, 2020

ولخصت مها: ‏"كده رفع سعر رغيف الخبز 20%، بهدوء من غير مالطبقة الفقيرة تشعر، ما هي 20 جراما لا تشبع ولا تغني من جوع". 

كده رفع سعر رغيف الخبز ٢٠٪ بهدوء من غير مالطبقه الفقيره تشعر ماهي ٢٠ جرام لا تشبع ولا تغني من جوع https://t.co/SA2GZ42Zhv

— ALMAHA (@mosad43211) August 17, 2020

بدوره، شرح أيمن البنا: "‏الحكومة المصرية تدعم الخبز في الموازنة بـ42.5 مليار جنيه، وقرارها تخفيض وزن رغيف الخبز من 110 جم الى 90 جم، معناه فعلياً تقليل الدعم بنسبة قرابة 22%، أي ما يعادل 9.3 مليار جنيه انخفاض دعم للخبز في الموازنة بالتلاعب في الوزن #لعيبة". 

الحكومة المصرية تدعم الخبز في الموازنة ب42.5 مليار جنية وقرارها تخفيض وزن رغيف الخبز من 110 جم الى 90 جم معناه فعلياً تقليل الدعم بنسبة قرابة 22٪
اَي ما يعادل 9.3 مليار جنية انخفاض دعم للخبز في الموازنة بالتلاعب في الوزن#لعيبة https://t.co/5HDsFI0RaK

— Ayman Albanna (@anticoup1234) August 17, 2020

وغرّد الإكسلانس: ‏"فيه خبر عن تخفيض وزن رغيف العيش من 110 جرامات إلى 90 جراما، لو الخبر ده صحيح يبقى الحكومة مع السيسي، كل اللي شاغل بالهم إزاي يذلوا الشعب ده ويهينوه. ويفقروه أكتر وأكتر مابقاش يعدّي أسبوع واحد من غير قرار لإفقار الشعب وتجويعه".

فيه خبر عن تخفيض وزن رغيف العيش من ١١٠ جرام ال ٩٠ جرام
لو الخبر ده صحيح يبقى الحكومه مع السيسي كل اللي شاغل بالهم ازاي يزلو الشعب ده ويهينوه. ويفقروه اكتر واكتر مبقاش يعدي اسبوع واحد من غير قرار لافقار الشعب وتجويعه

— الاكسلنس (@JjqBqzFcqaBCUeD) August 17, 2020