هكذا علق مصريون على إنفاق المليارات لمواجهة كورونا

كتب عمر مكرم: "وكيل وزارة المالية المصري يقول بتصريح متلفز إن الحكومة المصرية أنفقت 60 مليار جنيه على جائحة كورونا حتى الآن من أصل 100 خصصها السيسي (الرئيس المصري عبد الفتاح السيسي) لمواجهة الأزمة #امنع_الضحك علي بابا والأربعين حرامي، بالله عليكم فيه مواطن مصري حس بال 60 مليار دول؟! عارفين يعني إيه 60 مليار؟!". 

وأضافت صاحبة حساب "بنت مصر": ‏"صادق و الله بس الـ60 مليار دول اتدفعوا في المستلزمات الطبية، لـ‎#الصين و‎#إيطاليا و‎#بريطانيا و‎#أمريكا عشان هما يكافحوا ‎#كورونا". 

وعلق صلاح ساخراً: ‏"المالية أنفقنا 60 مليار جنية من الـ100 مليار، المخصصة لمواجهة أزمة كورونا. الدفاتر دفاترنا ومحدش ليه دعوه بينا، #السيسي_الفاشل_لازم_يرحل". 

وتساءل سيد أحمد: ‏"وزير المالية بيقولك صرفنا 60 مليار، على فيرس كورونا من 100 مليار حد عنده اعتراض؟". 

وكتب أسامة: ‏"عاجل وزير المالية تم إنفاق 60 مليار جنيه على مواجهة انتشار فيروس كورونا بمصر من إجمالي 100 مليار جنيه، حصل وانا شاهد، حد ناصح بقى هايقولى وانت دورك إيه؟ هاقوله لأ يا أبو دم خفيف، أنا اللي كنت باحط كل مليار فى أستك، ولحد دلوقتي مصروف 60 أستك وباقي 40، فهمت بقى ياخفيف؟". 

وأضافت ميرنا: ‏‎‎"#السيسي_الفاشل_لازم_يرحل صادقين ياولاد الحرامية، بالأمارة الشعب بيشتري كمامات ومطهرات وأدوية على حسابه، العزل ف البيوت على حساب المريض، والمخالط المسحة اتخطت 1000 جنيه على حساب المواطن والتبرع إجباري، بس للأمانة عملتوا الواجب مجاناً مع كل الشعوب الغريبة، إلا شعب مصر الشقيق".