مؤيدون يشكون للسيسي تكالب الضرائب والرسوم على المصريين

رغم انشغال مواقع التواصل في مصر بمناكفات الدوري وإعلان نتيجة الثانوية العامة، ظهرت بوادر غضب من بعض مؤيدي النظام والمحسوبين على الطبقة المتوسطة، بسبب تكالب الضرائب والرسوم عليهم في الآونة الأخيرة، التي عادة يهاجمها المعارضون.

وذكّر البعض منهم، بتعهد الرئيس عبد الفتاح السيسي في لقائه التلفزيوني الشهير مع إبراهيم عيسى ولميس الحديدي "هغني الناس الأول"، في إشارة إلى تحسين أحوال المصريين الاقتصادية، قبيل فرض أي ضرائب أو رسوم وأعباء مالية جديدة.

وكان على رأس المؤيدات الناقمات، رئيسة تحرير موقع "دوت مصر" السابقة رشا الشامي، التي قالت على "تويتر: "‏وجب التنويه اني بشتغل صحافية وكاتبة وبرديوسير، يعني شغلانة بتفاصيلها لم يعد لها سعر ولا سوق، لا مصر صرفت عليا ولا على ولادي ولا على أهلي، وأنا من جيل أهله كان بيبعت تحويلات بالدولار عقود، وغير ما سبق لي الحق اني اشتكي من زيادة ضرايب أو رسوم أكتر مش لأني مش عايزة أدي مصر، لأني مش قادرة".

وجب التنويه اني بشتغل صحافية وكاتبة وبرديوسير يعني شغلانة بتفاصيلها لم يعد لها سعر ولا سوق،لا مصر صرفت عليا ولا على ولادي ولا على أهلي وانا من جيل اهله كان بيبعت تحويلات بالدولارعقود وغير ما سبق لي الحق اني اشتكي من زيادة ضرايب أو رسوم اكتر مش لاني مش عايزة ادي مصر، لاني مش قادرة

— rasha elshamy رشا الشامي (@rasha_elshamy) August 17, 2021

انا بطلت تعليق على قرارات السياسة الداخلية العامة، لاعتباران يأس متعلقة بالناس قبل الحكومة لكن ممكن اعمل رابطة #الطبقة_المتوسطة عادي :)

— rasha elshamy رشا الشامي (@rasha_elshamy) August 17, 2021

ووصل الأمر بمخاطبة الحساب الرسمي للسيسي على "تويتر" في نقاش طويل، مثل "تيكو" الذي هاجم قائلاً: "‏كفاية لم فلوس من الناس بدون وجه حق… كفاية لأن الموضوع بقى داخل في نفق مظلم… في قطاع كبير في البلد مبياخدش خدمات من الدولة لا تعليم ولا صحة ولا خدمات حكومية محترمة ولا شقق وبيدفع ضرايب ليه ولغيره علشان بس الدنيا تعدي، بس أكتر من كده الناس حتعمل اللي يضايق البلد ‎"@AlsisiOfficial.

وردّت شاهيناز عبد السلام: "‏‎بس السبب في الضغط على الطبقة المتوسطة مش ان الدولة بتلم فلوس لصالح الغلابة واللي بيخلفوا كتير بالعكس السبب هو رجال أعمال وحيتان الدولة متواطئة معاهم، السبب فساد كل دول مستفيدين منه على حسابنا".

بس السبب في الضغط على الطبقه المتوسطه مش ان الدوله بتلم فلوس لصالح الغلابه و اللي بيخلفوا كتير بالعكس السبب هو رجال أعمال و حيتان الدوله متواطئه معاهم، السبب فساد كل دول مستفيدين منه على حسابنا

— Shahinaz Abdel Salam 🏳 (@SalamShahinaz) August 17, 2021

واستغاثت إحدى المغردات: "‏‎‎ياريت صوتنا يوصل للريس، الوضع أقسم بالله خطير والناس خلاص على آخرها، دخلنا كله وزيادة رايح للدولة في الوقت اللي مفيش فيه توزيع عادل للأجور، خايفين على بلدنا ياريس الموضوع مش إنجازات في أوقات قياسية أو إصلاح اقتصادي طحن الناس، الموضوع لازم يكون فيه بعد اجتماعي وتوازن".

وعن رسوم وغرامات المرور هاجم سمير النوبي: "‏‎‎ده حتى نظام غرامات المرور ده غريب جداً وعالي جداً مع ان الشوارع كلها متبهدلة مطبات وحفر وتكسير، ده الدائري بتطلع وتنزل أكنك في الملاهي وكله على حسابك تصليح عفشة ومساعدين وغير الحوادث لما كل واحد يفادي حفرة ولا مطب ويلبس في اللي جنبه ولا وراه".

إعلام وحريات

التحديثات الحية

نقابة الصحافيين المصرية ترد على اتهامات تملقها للحكومة بقضية البدل

ووافقتهم "كوكي": "‏‎‎سرد هايل ومعاناة حقيقية بيتعرض ليها فعلاً الطبقة المتوسطة هي من دفعت فاتورة الإصلاح الاقتصادي بالكامل وهي وحدها التي تحملت فشل الحكومات السابقة وهي التي تحملت فاتورة القضاء على العشوائيات اللي فيها أكبر نسبة اقتصاد موازي في الدولة من حرفيين مكنوش بيدفعوا مليم للدولة حتى المرافق".

وكتبت شيرين: "شايفة كمية تويتات ناس من الطبقة المتوسطة ومؤيدين للنظام بيشتكوا من غلاء المعيشة والحاجات اللي كل يوم تطلع لنا في المقدر وشغل تقليب المواطن عمال على بطال التويتات دي لازم اعتبارها جرس إنذار لأنها من ناس معروفين هنا بولائهم للدولة ولا إخوان ولا نيلة ولا لجان بلاش موضوع البرج العاجي".

شايفة كمية تويتات ناس من الطبقة المتوسطة ومؤيدين للنظام بيشتكوا من غلاء المعيشة والحاجات اللي كل يوم تطلع لنا في المقدر وشغل تقليب المواطن عمال:على بطال ابتويتات دي لازم اعتبارها جرس انذار لانها من ناس معروفين هنا بولائهم للدولة ولا اخوان ولا نيلة ولا لجان بلاش موضوع البرج العاجي

— Sherin (@sherin0409) August 17, 2021