تصريحات السيسي عن السكان والهجرة تفجر جدلاً بين المصريين

أثارت تصريحات الرئيس المصري عبد الفتاح السيسي في المؤتمر العالمي الأول للصحة والسكان والتنمية، يوم الثلاثاء، جدلاً كبيراً على منصات التواصل الاجتماعي المصرية.

وخلال كلمته في الجلسة الحوارية، استمر السيسي في مهاجمة الزيادة السكانية وثورة يناير، معتبراً إياهما سبباً في الأزمات الاقتصادية المتتالية. كما اقترح تنظيم هجرة شرعية منظمة للدول التي تعاني من نقص المواليد.

مستخدمو مواقع التواصل عبّروا عن استغرابهم من سردية تصريحات السيسي واستمراره في الحديث عن زيادة السكان، ورأوا تناقضاً بين هذه المبررات وتدهور مستوى معيشة المصريين وزيادة الديون. بعضهم سخر من اقتراحه بشأن تنظيم هجرة المصريين.

قضايا وناس

التحديثات الحية

السيسي يدعو إلى "هجرة شرعية" لدول أوروبا: تعاني من نقص المواليد

وعلّق المغرد محمد رمضان، على منصة "إكس"، قائلاً: "طيب ما ترحل. طالما لا تقدر تقديم تعليم كويس للشعب ارحل .. طالما لا تستطيع تقديم خدمات صحية كويسة ارحل.. طالما لا تستطيع توفير فرص عمل ارحل.. طالما لا تستطيع النهوض بالاقتصاد ارحل.. إنت قاعد بتعمل ايه؟".

طيب ما ترحل
طالما لا تقدر تقديم تعليم كويس للشعب ارحل
طالما لا تستطيع تقديم خدمات صحيه كويسه ارحل
طالما لا تستطيع توفير فرص عمل ارحل
طالما لا تستطيع النهوض بالاقتصاد ارحل
انت قاعد بتعمل ايه pic.twitter.com/CVYWCSJKbu

— mohamed ramadan (@m2omar3) September 5, 2023

من ناحيتها، سخرت المغردة لبنى درويش قائلة: "وزير الصحة بيعمل تقديم لاستراتيجية السكان الجديدة في مؤتمر "دولي" وبيحاول يقول كلام منضبط، فيطلع السيسي في تعليق غير منظم على كلامه يدي نموذج بسياسة الطفل الواحد في الصين ويقول كل حاجة عكس كلام وزير الصحة ويقول إنه ضد الحرية المطلقة والحضور طبعاً يصقفوا. رائع".

وزير الصحة بيعمل تقديم لاستراتيجية السكان الجديدة في مؤتمر "دولي" وبيحاول يقول كلام منضبط، فيطلع السيسي في تعليق غير منظم على كلامه يدي نموذج بسياسة الطفل الواحد في الصين ويقول كل حاجة عكس كلام وزير الصحة ويقول أنه ضد الحرية المطلقة والحضور طبعًا يصقفوا . رائع.

— Lobna Darwish (@lobna) September 5, 2023

كذلك، غرد طارق عبيد على "إكس"، بالقول "كلنا عارفين المعلومة لكن الإجراءات في ايد الدولة مش في ايد الناس، والعشرين سنة المطلوبين لخفض معدل المواليد فات منهم 10 سنين تحت حكم حضرتك، والناس تعبت من كتر الكلام على اجراءات حاسمة توقف حالة الانتحار القومي اللي عايشينها، كنتوا اعتبروها زي قانون وقف البناء واللاجئين".

كلنا عارفين المعلومة لكن الإجراءات في ايد الدولة مش في ايد الناس، والعشرين سنة المطلوبين لخفض معدل المواليد فات منهم ١٠ سنين تحت حكم حضرتك،والناس تعبت من كتر الكلام على اجراءت حاسمة توقف حالة الانتحار القومي اللي عايشينها، كنتوا اعتبروها زي قانون وقف البناء واللاجئين https://t.co/YPohSj6Fz8

— Tarkovic®️ (@TarekEbaid) September 5, 2023

وعن اقتراح تنظيم هجرة المصريين، أبدى عبد القادر موافقته، وقال: "بص إنت بس شوف طريقة تسهل الموضوع وأوعدك انه مش فترة زمنية محددة ومحدش هيرجع تاني".

بص انت بس شوف طريقة تسهل الموضوع واوعدك انه مش فترة زمنية محددة ومحدش هيرجع تاني https://t.co/CJt8Lztw7e

— عبقادر (@MKadr) September 5, 2023

وعبرت نبيلة السيد عن دهشتها: "احييه.. ده عايزنا نسيبله البلد ونسافر عشان نجيبله فلوس.. طب ما تغوروا انتم في داهية.. ما بدل ما يسافروا وينموا دول تانية ارفعوا ايديكم عن الاقتصاد وسيبوا القطاع الخاص يشتغل وينتج ويصدر".

احييه .. ده عايزنا نسيبله البلد ونسافر عشان نجيبله فلوس
طب ما تغوروا انتم في داهية .. ما بدل ما يسافروا وينموا دول تانية ارفعوا ايديكم عن الاقتصاد وسيبوا القطاع الخاص يشتغل وينتج ويصدر https://t.co/lLLFh7dBTW

— Nabila El-sayed (@Nabila_Lawyer) September 5, 2023

بينما ذكرت هاميس بمقولاته الشهيرة، ودونت: "والله العظيم أنا لو ينفع أتباع لاتباع... ‎#اقوال_مأثورة".

والله العظيم انا لو ينفع اتباع لاتباع ... #اقوال_مأثورة https://t.co/xZx9zTxm1u

— Hameess (@Hameess) September 5, 2023

وشبه المغرد أحمد الاقتراح بفيلم كوميدي شهير، وكتب: "أحمد عيد وأحمد رزق في اوعى وشّك وهم بيسفروا الصعايدة"، واتفق معه خالد في السخرية: "خلص بيع في أصول البلد ودلوقتي الدور على الشعب".

احمد عيد واحمد رزق في اوعى وشّك وهم بيسفروا الصعايدة😂😂 https://t.co/InRIgfViXF

— ahmedthanaa (@ahmedhthanaa) September 5, 2023

خلص بيع في أصول البلد ودلوقتي الدور علي الشعب https://t.co/wWu6SCYbQp

— Khaled Salama (@Khaled96S) September 5, 2023

وعن تناقض السرديات ومبررات الفشل، كتب مغرد آخر يدعى أحمد: "مش قادر يثبت على سردية واحدة متماسكة. يعني الأنظمة السابقة وحشة وكانت سبب في انحدار البلد وانت جاي تصلح اللي بوظوه؟ ولا الثورة في 2011 كانت غلط لأن الأنظمة السابقة كانت بتعمل ما في مقدورها ولم يكن في الإمكان أفضل مما كان؟".

مش قادر يثبت علي سردية واحدة متماسكه.
يعني الأنظمة السابقة وحشه وكانت سبب ف انحدار البلد وانت جاي تصلح اللي بوظوه؟
ولا الثوره ف ٢٠١١ كانت غلط لأن الانظمة السابقة كانت بتعمل ما في مقدورها ولم يكن ف الإمكان أفضل مما كان؟ https://t.co/3M7rucQtkM

— Ahmad (@A7madAnw) September 5, 2023

وتعجب الصحافي ايهاب زلاقي: "السيسي: الناس خرجت في 2011 علشان حاسين إن الدولة مش قادرة تديهم اللي محتاجينه.. ماخدوش بالهم إن الدولة مش قادرة.. مش مش عايزة تديهم!".

السيسي: الناس خرجت في 2011 علشان حاسين إن الدولة مش قادرة تديهم اللي محتاجينه.. ماخدوش بالهم إن الدولة مش قادرة.. مش مش عايزة تديهم
!

— إيهاب الزلاقي (@zelaky) September 5, 2023

وكتبت أميرة الهواري: "في 2016 قال خسرت الدولة 100 مليار دولار، وفي 2019 قال مئات المليارات بس هاعمل قصور، والسنة دي 400 مليار، والسنة الجاية هايقولكوا تريليون دولار، هو الكلام بفلوس؟ ماهي مكلمة وهري!".

في ٢٠١٦ قال خسرت الدولة ١٠٠ مليار دولار، وفي ٢٠١٩ قال مئات المليارات بس هاعمل قصور، والسنة دي ٤٠٠ مليار، والسنة الجاية هايقولكوا تريليون دولار، هو الكلام بفلوس؟ ماهي مكلمة وهري :)

— 𓅝𓏏𓏭𓁟 (@amirelhalawany) September 5, 2023

واختصرت داليا رفعت المشهد بالقول: "فاحنا ماعندناش دولار وعايشين في الضلمة والحر وعلينا ديون متلتلة والغلا بيقرقش فينا نعمل ايه؟ ننظم مؤتمر عالمي علشان نفك عن سياته شوية بدل الخنقة دي".

فاحنا ماعندناش دولار وعايشين في الضلمة والحر وعلينا ديون متلتلة والغلا بيقرقش فينا نعمل ايه؟
ننظم مؤتمر عالمي علشان نفك عن سياته شوية بدل الخنقة دي🤷

— de سكورپ (@daliaref3at) September 5, 2023