وائل غنيم يكشف خسائر مصر المالية بسبب "ماسبيرو"

وكتب غنيم: "اتحاد الإذاعة والتلفزيون، بيكلف الدولة سنوياً حوالى 6 مليارات جنيه، وإيراداته 1.7 مليار جنيه (منهم 1.1 مليار منحة من الحكومة نظير خدمات إعلامية!). وده معناه إن القطاع بيخسّر الدولة على الأقل 4.3 مليارات جنيه مصري سنوياً يعني بمعدل 11 مليون جنيه خسارة يومياً يعني نص مليون جنيه كل ساعة!!".

وأضاف: "مرتبات العاملين في القطاع ومكافاءاتهم تجاوزت الـ 2.1 مليار جنيه ومتوسط الدخل الشهري لموظف ماسبيرو هو أكتر من 4 آلاف جنيه شهرياً. وده أكبر بكتير من متوسط دخل الطبيب أو المدرس في مصر".

وتابع: "بحسب آخر تقارير المشاهدة اللي بتصدرها الشركات المتخصصة في بحوث السوق، إجمالي نصيب التلفزيون المصري من المشاهدة مش بيتعدى 5% طول السنة، و8٪ خلال شهر رمضان. وده بيفسر ليه أغلب المعلنين الكبار مش مهتمين بالإعلان في القنوات الحكومية".

وختم قائلاً: "القطاع ده باختصار فاشل خدمياً وإنتاجياً. يعني بيكلف الدولة دون حتى ما يكون ليه دور في التأثير على الرأي العام. يا ترى ليه لسه مستمر بالشكل ده بالرغم من وجود أزمة اقتصادية طاحنة في البلد، وبرغم من مطالبة باقي القطاعات بالصبر وترشيد النفقات؟".

اقرأ أيضاً: وائل غنيم يعتذر للمصريين ويشرح أسباب صمته