مقرّ صيفي لمجلس الوزراء المصري: "إحنا فقرا قوي"

الخبر أثار تساؤلات على مواقع التواصل الاجتماعي، وعبّر البعض عن التخوفات كما فعل المهندس ممدوح حمزة حيث كتب: "لو فرضنا أن هناك من ينفذ هذه الخريطة، تكون الإدارية الجديدة عاصمة جزء 1&5، العلمين عاصمة جزء 2، القاهرة عاصمة جزء 4، أسوان عاصمة جزء 3، هو احنا مغيبين ولا أنا مكبّر المواضيع؟".

وشاركه مغرد آخر: "طيب إحنا دلوقتي عندنا 3 قصور رئاسية رسمية، و3 مبانٍ لرئاسة الوزراء، باقي يبقى عندنا 3 دول". بينما ذهب البعض الآخر لاستدعاء تصريح سابق للرئيس المصري عبد الفتاح السيسي، كما كتب منير زين: "اجتماع مجلس الوزراء المصري لأول مرة بمدينة العلمين الجديدة، عادي جداً ما إحنا فقرا قوي، بجملة القروض إللي جاية!".

وعلّق محمود سليمان: "إصلاح اقتصادي إيه دا اللي المواطن العادي فيه عيشته كرب وزفت، في وقت فيه أهل السلطة ومحاسيبهم، عايشين في نعيم مقيم، ووصلوا لمرحلة من الرفاهية والبذخ، إنهم دلوقتي بيعملوا مقر صيفي بملايين لاجتماعاتهم؟". وغرّد عبد النبي مدكور: "مجلس الوزراء: تنفيذ قطار مكهرب فائق السرعة لربط العاصمة الإدارية الجديدة بمدينة العلمين بطول 540 كم... الناس بس بتوع البدرشين والمنيب وآخر فيصل، إللي فاكرين إن خط القطر ده هايعدي عليهم، باقولهم ده مش تبعنا، ده تبع دولة أخرى ودي صورها".

وكتب برستيج ملك: "إحنا لازم نتحمل عشان مصر.. حلو قوي.. الحكومة تنتقل إلى مقرها الصيفي في مدينة العلمين.. الساحل الشمالي، الحكومة تبدأ بتنفيذ قطار كهربائي فائق السرعة لربط العاصمة الإدارية الجديدة بمدينة العلمين، استحملوا يا رعاع عشان البهوات مش فاضيين ليكم.. دُمنا رعاع".