مغردون عن ضحايا الإرهاب: من يوم السيسي ما وصل ما قلعناش الأسود

وفي التوقيت نفسه نشب حريق هائل في منطقة إمبابة بالقاهرة، واشتعلت الحرائق في ثلاثة وأربعين محلاً للملابس في سوق المنيرة، تسببت في خسائر مادية كبيرة لأصحاب المحال.

وتباينت ردود أفعال رواد مواقع التواصل الاجتماعي كل حسب موقعه وتوجهه السياسي، بين مؤيد ومعارض، بين تحميل الرئيس المصري المسؤولية كاملة عن توفير الأمن وبين اتهام الإرهاب، رغم الإجماع على حرمة الدماء.

غرّد محمود العسيلي واصفاً مصر خلال حكم السيسي: "مصر مقلعتش الأسود من يوم ما #السيسي حكمها".

وكتب مارجو "بمناسبة مجزرة الأقباط سمعونا أسطوانة تجديد الخطاب الديني".

ونبّهت أم البنات "كل التحذيرات كانت موجودة، مصلحة السيسي إن الإرهاب يستمر علشان يفضل على الحكم يا أغبياء".

وسخرت أميرة من الفشل المتتالي: "ده الكنائس اللي فيها كاميرات مجبوش مرتكب الحادثة بتاع طنطا وإسكندرية، تفتكر فيه احتمال يعرفوا مين عمل ديه!؟ ربنا يرحمهم ويرحمنا".

ووجّه سيد تركي اتهامه للمسؤولين بعد بيان السفارة الأميركية التحذيري "داعش من 3 أسابيع نشرت حوارا مع مسؤولها العسكري وقال إن الأقباط هدف ليهم. وأميركا نزّلت تحذير من يومين لرعاياها. إنت كمسؤول أخدت إجراءات إيه؟".

أما أنا بابا يالا، فقدم اقتراحا وجيها "طيب ما نجيب الراجل بتاع السفارة الأميركية اللي بيبعت إيميلات التحذير ده نمسّكه وزير داخلية".

ومتعجباً كتب عمرو سمير عاطف "سبحان الله شيء غريب مافيش معارضة واللجان منتشرة في كل حتة والسجون فيها كثافة عددية والطوارئ مطبقة ومافيش حد بيتنفس والبرلمان تبع الجهات الأمنية والقضاء بالتليفون والشرطة بتصفّي من غير محاكمات، وتلاقي يا أخي الإرهاب مكمل والاقتصاد زي ما انت شايف مش فاهم ليه، يمكن إحنا محتاجين رئيس عسكري".

وغرّد مصري بسؤال "طب الحادث الإرهابى في #المنيا وحريق #إمبابة عشان نسكت على زيادة الأسعار ولا بيع تيران وصنافير ولا بيع أرض المعارض ومسرح البالون للمستثمرين".

طارق سعد قال "محدش سمع من الطبالين كلمة "لو مش قد الشيلة متشلش"!! ولا هي كمية المصايب والدم دي مش كفاية؟؟".

وعن إهمال الدفاع المدني كتب إيمانويل "السوق ده بمر فيه كتير تجار غلابة عايزة تعيش، الحكومة أهملت إمبابة، فأهلها عايشين بمعرفتهم ولما حصل الحريق مفيش مطافي".

وكتبت هبة شلبي "حريق في إمبابة ع ما المطافي جت كان سوق الفاكهة كله اتفحم بكل العماير اللي فيه ومش عارفين يسيطروا على النار. الناس اللي ع باب الله بيوتهم اتخربت، ادعوا لهم بالصبر والتعويض".

وبالدعاء غردت نرمين ناجي "إحنا مش فقرا أوي احنا بؤساء أوي.. يا رب ارحم اللي ماتوا في #المنيا.. واللي فلوسهم وبضاعتهم راحت في سوق #إمبابة.. وارحمنا وقوّينا".