ماذا قال وائل غنيم عن أحمد ماهر؟

واستذكر غنيم عبر صفحته الشخصية على "فيسبوك" كيفية تعارفه على أحمد وقال: "2008
كانت أول مرة أسمع عنه بسبب صورة شفتها على فيسبوك لواحد ضهره مليان سحجات من التعذيب. عرفت إن أمن الدولة خطفوا أحمد بدون إذن نيابة ولا حكم قضائي. اتعذب أثناء التحقيق معاه في أمن الدولة وتم تهديده بإنه لازم يبطل اللي بيعمله وإلا هتبقى العواقب وخيمة. والسبب؟ إنه حاول مع مجموعة لتنظيم دعوات عامة للإضراب في 2008 لمعارضة نظام مبارك. وقتها مكنتش مهتم بالسياسة فسألت نفسي: هو ليه شاب زي ده يعرض نفسه للخطر؟ غالبا أحمد ده مجنون".

وأضاف: "بعد كذا أسبوع من إنشاء صفحة "كلنا خالد سعيد"، بعت رسالة لأحمد ماهر من إيميل أدمن الصفحة. قلتله فيها عايزين ننسق بين الصفحة وحركة 6 أبريل على شرط احترام رغبتي في إخفاء شخصيتي الحقيقية. كنا بنتكلم مع بعض عن طريق Gmail Chat لفترات طويلة جدا، وبنحاول ننسق المواقف ودعوات الحراك السياسي. علاقتنا -وإن كانت افتراضية- سمحت بجانب من المعرفة الإنسانية اللي خلت لأحمد عندي معزّة خاصة جداً". وفي نهاية البوست (المرفق أدناه) كتب: "لما هاحكي لأولادي عن مصر 2011، مش هانسى أحكيلهم عن الشاب المصري السكندري اللي وهو عنده 30 سنة انتفضت جهات سيادية ووسائل إعلامية وشخصيات سياسية عشان يحاربوه ويشوهوا سمعته. بالضبط كده، منظومة فاشلة بتحارب شبابها على إنهم هما الخطر اللي بيواجه البلد، مش الجهل والتخلف والفساد والظلم. والمهم إنهم لما لقوه مكمل في طريقه رغم كل اللي بيعملوه فيه، حبسوه.

أحمد وآلاف الشباب زيه هما الأمل .. والأمل في مصر محبوس .. الحرية لأحمد، الحرية لكل مظلوم ‪#‎FreeAlaa‬".

وعمد عدد كبير من المتابعين والناشطين إلى إعادة نشر الصورة التي شاركها غنيم.

Facebook Post

اقرأ أيضاً: ‏#FreeAlaa.. تظاهرة إلكترونية للإفراج عن "التنين البمبي"