#ليه_هاتقاطع_الانتخابات؟ ... عشان الدم والأرض وماعندناش انتخابات

على الرغم من محاولات كتائب الرئيس المصري عبد الفتاح السيسي الإلكترونية، الحشد للمشاركة في الانتخابات الرئاسية القادمة، إلا أن رواد التواصل قرروا القيام بهجوم مضاد، والترويج لمقاطعة ما يعتبرونها انتخابات هزلية، ودشنوا وسم #ليه_هاتقاطع_الانتخابات، لشرح حيثيات مقاطعتهم لها.

ولم تمر ساعات قليلة حتى تصدر الوسم بقوة قائمة الأكثر تداولاً، "الترند" المصري، مع مشاركة واسعة من رواد التواصل، توضح حقيقة ضعف المشاركة المتوقعة في الانتخابات الأسبوع المقبل.

وغرّد صاحب حساب "قلم لا يجامل بشر" قائلاً: "‏‎#ليه_هاتقاطع_الانتخابات؟ علشان مصر أم الدول العربية وقلبها النابض، لا يمكن أن تتحمل حكماً فاشياً، يقتل الشباب ويعتقلهم، ويفني الحريات، ويسحق التعليم، ويدمر الصحة وينهي على البحث العلمي، ويعود بها إلى العصر الحجري".

وعدّد روميو صاحب حساب "حدوتة مصرية" أسباب المقاطعة: "‏علشان الدم اللي بقى أرخص حاجة في البلد، علشان دم اخوتنا الشهداء، علشان المعتقلين، علشان تيران وصنافير، علشان نهر النيل، علشان حقول الغاز، علشان سيناء، علشان مطالب الثورة الحقيقية لم تحقق لحد الآن عيش - حرية - عدالة اجتماعية، علشان حاجات كتييييير.. #ليه_هاتقاطع_الانتخابات؟".

وقالت "زهرة الصبار": "‏‎#ليه_هاتقاطع_الانتخابات؟ قال مافيش وماعنديش: حق العمل.. بس ابن الظابط ظابط وابن القاضي قاضي.. حق العلاج.. بس الوزير بيسافر يتعالج علي نفقة الدولة.. حق السكن.. بس الأراضي والشقق بتتوزع على الجنرالات.. حق الرأي.. في الانتخابات هسمحلك تنتخبني وبعدها أسجنك.. أنا عندهم مواطن درجة تانية مالوش كارنيه".



بدوره، شارك محمد ماهر بتغريدته: "‏‎#ليه_هاتقاطع_الانتخابات؟ لما يكون في انتخابات فعلاً ومرشحين بجد.. ولما الواحد يحس إنها فعلاً بلده مش بلد فئة معينة يبقى ننزل وننتخب .. لكن انتخابات كل اللي اترشحو فيها اتقبض عليهم؟ دي سياسة والدتك دي".

وأوجز حساب "هكمل حلمي": "‏عشان مش عايزين العسكر يحكموا البلد تاني .. #ليه_هاتقاطع_الانتخابات؟"، وسخرت نجوين صاحبة حساب "إحنا بتوع الثورة": "‏هو احنا عندنا انتخابات يا عينيه؟! ‎#ليه_هاتقاطع_الانتخابات؟".

وشارك الإعلامي أسامة جاويش: "‏‎#ليه_هاتقاطع_الانتخابات؟ لأنه مفيش انتخابات، مفيش سياسة، مفيش معارضة، مفيش مرشحين، مفيش منافسين، مفيش ناخبين، ولأنه فيه دم وانقلاب وسجون وقمع".

وسخرت مي السيد: "‏‎#ليه_هاتقاطع_الانتخابات؟ علشان واضح كده إنها منافسة شرسة أوي .. دا أنا عمالة أدور على منافس ولما ألقيه الاقي انه بايده برضوا! مش ممكن على الزمن يا جدعان".

وشاركها "مناضل ثوري" السخرية: "‏احنا مش مقاطعين الانتخابات بالعكس ابسولوتلي احنا معندناش انتخابات أساسا .. فبالتالي الانتخابات هي اللي مقاطعانا.. #ليه_هاتقاطع_الانتخابات؟". وسخر خالد من شكل السيسي في الحوار الأخير مع ساندرا نشأت: "#ليه_هاتقاطع_الانتخابات؟ عشان نرحم السيسي من المكياج وكريمات الأساس اللي ورمت خدوده".