ساخرون: بعد حكم مصرية الجزيرتين أين مستندات جنسية السيسي؟

وأوصى تقرير هيئة مفوضي المحكمة الإدارية العليا، اليوم، برفض الطعن المقام من هيئة قضايا الدولة وكيلاً عن الحكومة على حكم أول درجة ببطلان اتفاقية ترسيم الحدود بين مصر والسعودية، وأيدت الحكم بمصرية الجزيرتين.

وعلى الفور تفاعلت مواقع التواصل الاجتماعي مع التقرير الذي تكون من خمس وأربعين صفحة. كتب حسام: "#تيران_وصنافير_مصرية بقى حوار بايخ بقى دا اتعاد ولا أجزاء راجل وست ستات".

وسخر حاتم: "والله غريبة القضاء مليون مرة يرفض طلب الحكومة والحكومة مصرة على الطعون جاتك طعنة يا حكومة".

أما مي شمس، فاستغربت من إذاعة الجلسة: "إذاعة مرافعة خالد علي أمام الإدارية العليا في قضية #تيران_وصنافير على النهار وسي بي سي شيء غير معتاد وله دلالاته! #تيران_وصنافير_مصرية".

وتساءلت ثورية حرية: "محامي الدولة #خالد_علي يقدم مستندات وخرائط تؤكد مصرية جزر تيران وصنافير المشكلة دلوقتي إيه مستندات أن السيسي مصري. #تيران_وصنافير_مصرية".

وقال شاهر: "هي جات على تيران وصنافير لما هي مصر أصلاً فقدت هويتها المثل بيقول، إن خرب بيت أبوك خد منه قالب".

وعلق الصحافي أيمن الصياد: "طوبى لمن كان موقفه "مبدئياً" (أكرر: مبدئياً) من البداية، وإلى النهاية #تيران_وصنافير".

وتعجبت، يسرا ناصر: "أنا حقيقي مش قادر أستوعب إزاي رئيس الجمهورية بذات نفسه يطعن في تنفيذ حكم #تيران_وصنافير_مصرية، أين حُمرة الخجل؟!

أما محمد بدر، فكتب تعليقاً على "فيسبوك" قال فيه "ثواني كده حكم محكمة، إن تيران وصنافير مصرية.. ركز معايا يبقى اللي زوروا وكذبوا وكمان كتبوا كتب إنها مش مصرية يبقوا إيه؟! اللي حاولوا بكل الطرق يفرطوا في أرضنا عشان سبوبة يحصلهم إيه؟! أيوه، اسمها خيانة عظمى. مفيش تسمية نعرفها لبيع أرضك غير كده وطبعاً كلاب الإعلام يلبسوا قضية (إشاعة خبر كاذب) بأنها مش مصرية".

ووجه محمد نبيل رسالته إلى ضابط أمن الدولة الذي حقّق معه على خلفية المظاهرة التي شارك فيها للدفاع عن مصرية الجزيرتين: "عزيزي ضابط أمن الدولة اللي حقق معايا بخصوص تيران وصنافير، قولتلي إنك ما تقدرش تحكم إذا كانت سعودية ولا مصرية، وأنا قولتك إننا درسناها في كتاب التاريخ والجغرافيا في 3 إعدادي إنها مصرية، صدقتني؟؟".