واللافت هو رد فعل وزارة الهجرة المصرية التي دشنت وسماً بالإنكليزية، للمطالبة بحقوق مصر في مياه النيل، ودعمته الكتائب لتصدر قائمة الأكثر تداولاً على موقع "تويتر"، ما اعتبره مغردون مزيداً من العجز وغياب رد الفعل الحقيقي.
وكان حساب الوزارة غرد: "نهر النيل لكل شعوب النيل، وحقوقنا كلنا لازم تتحدد من جانب كل الدول المعنية، وأزمة سد النهضة لازم حلها يكون بالتوافق بين مصر، وإثيوبيا، والسودان. دورنا كمصريين إننا نكتب ونأكد على ده، كلنا، على الهاشتاج: #EgyptNileRights" الذي يعني حقوق مصر من النيل.
ورد عليها محيي الدين: "عفوا هو حقنا حيجي بهاشتاج؟"، وسأل محمد فتاح: "مين اللي عمل فينا كده وحوجنا الحوجة السودة دي بعد ما كنا رقم 1 في #افريقيا، أصبحنا لا يقام لنا وزن، من الذي وقع لهم في 2015، أين الوثيقة، اعرضوها على الشعب لنعلم ما نكافح وننافح عنه، الشعب ليس مركوناً على الرف لحين الحاجة فنستخرجه ليتصدر المشكلة ولو فشل يشيل الشيلة. #EgyptNileRights".
وتذكر يوسف الرئيس الراحل محمد مرسي: "أحب أقول للمسؤول عن ضياع حقنا في مياه نهر النيل، كان فيه راجل قال كل قطرة ميه هتنقص من حصة مصر هيكون قصادها قطرة دم.. الله يرحمه، وعلي رأي لميس، لو مش أد الشيلة ماتشلش يا".
وكتب أحمد ريان: "السيسي اشترى سلاح وطائرات وغواصات مش علشان يحارب بيهم لا سمح الله ده علشان العمولات. وساعة المواجهة مع إثيوبيا اللي بتمنع مياه النيل عملنا هاشتاج...".
وسخر حساب "كراكيب": "#نازلين_30_6_يا_صلاح.. ايه الجديد في سد النهضة يا مدبولي؟ اطمن يا فندم هيقع لوحده عشان جيولوجية الأرض مش كويسه.. الحمدلله نطلع نطمن أشقائنا المصريين".
وقال محمد: "بكرة تشوفو مصر.. قول والله مش هضر مصر.. ومع ذالك الهاشتاج اهو.. عشان احنا بنحب مصر بس مش بنحب السيسي. #EgyptNileRights".
وقارن صاحب حساب "الفاتح": "يعني عايزين الجيش يحارب في ليبيا وعند اثيوبيا تعملوا هشتاج.. دا ايه العبط اللي انتوا فيه ده. #EgyptNileRights".
وغرد كريم بمرارة: "وزيرة الهجرة تدعو المصريبن لمحاربة إثيوبيا بهشتاج #EgyptNileRights لرفض انتهاك إثيوبيا لحقوق مصر المائية وبناء سد النهضة وتهديد أمن مصر المائي.. يا جدعان هنحاربهم بالهشتاج".
وسخرت نشوى: "احنا لازم نتجمع يا مصريين ونقاوم إثيوبيا بالهاشتاج عشان تخاف. #EgyptNileRights".
وتساءل حساب "الصعيدي" ساخراً: "#EgyptNileRights.. يلا نشد الحيل يا مصريين عاوزين الهاشتاج يبقى تريند.. بس السؤال إللي بيطرح بلح.. قصدي إللي بيطرح نفسه.. ولو وصل الهاشتاج لـ100 مليون تغريدة وبقى رقم واحد عالميا ومش مصريا وبس.. فهل ده هايخلي إثيوبيا تقفل على موضوع السد أو تهده.. أو حتى تطول مدة تخزين المياه على 7سنين مش 3"؟
وكتب حساب "المهندز": "طيب مش ناويين كدا يطلعوا حتة بطولة من اللي في مسلسل الاختيار على إثيوبيا ولا كله تمثيل في تمثيل؟! عموما أحب أقول لاثيوبيا ورئيس أركانها اللي بيهدد.. هنبهدلكم في الاختيار2. #اثيوبيا #EgyptNileRights".
تابع آخر أخبار العربي الجديد عبر Google News
