واعتبر المغردون تصريحاته إساءة للأطباء وتضييعاً لجهودهم في ظل غياب الإمكانات، علماً أن الفيروس أصاب عشرات الأطباء الذين دفعوا حياتهم ثمناً لإنقاذ المرضى. وامتلأ الوسم بصور الأطباء وما يعانونه أثناء تأديتهم واجبهم، مطالبين حكومة مدبولي بالاعتذار.
وكانت النقابة الفرعية لأطباء القاهرة أصدرت بياناً شديد اللهجة، هاجمت فيه تصريحات رئيس الوزراء المصري، وحملت الحكومة، كامل المسؤولية عن "زيادة الاعتداء على الأطقم الطبية في المستشفيات مما يزيد خسائر الوطن في ظل التأخر عن تشريع يحمي الأطقم الطبية ويجرم الاعتداء عليهم، وذلك بعد تقديمهم للمواطنين كسبب غير علمي وغير حقيقي في سوء إدارة ملف الوباء".
وكتب محمد عبد الرحمن: "نقابة الأطباء طلبت من كل الشعب يتضامن معاها من خلال استخدام هشتاج #الأطباء_مش_متقاعسين_يامدبولي.. أنا مقاطع كل أنواع الهاشتاجات.. إنما لما نقابة الأطباء تطلب يبقى أنا مقدرش أتأخر.. ودي أقل شكراً ممكن أقدمها للناس اللي بتضحي بحياتها علشان إحنا نعيش. #الأطباء_مش_متقاعسين_يامدبولي".
وغرد حساب "إحنا آسفين ياحكومة": "دا اللي كتب علاجك بدمه عشان إنت تعيش.. واقف في الحكومي 24 ساعة مش مستني بقشيش.. دا الطبيب اللي بيضحي بعمره ياخلق.. يا حكومة عايزة الحرق.. يا وزارة متختشيش.. دا اللي شايل صحتك على كتافه لا عمره نخ ولا عمرك شكيت في إخلاصه.. دا اللي طول العمر بيديك من عمره.. وآخرتها المقابل مفيش. #الأطباء_مش_متقاعسين_يامدبولي".
ومع صور أطباء يتبرعون بدمائهم علق "بامسي": " دول الدكاترة المتقاعسين بعد ما لقوا بنك الدم فضي في مستشفيات جامعة الزقازيق.. علشان الناس خايفة تنزل تتبرع ومفيش دم لحالات الطوارئ اللي بيعالجوها.. نزلوا بنفسهم يتبرعوا بالدم للحالات بأكتر من 74 كيس.. وطلعوا يكملوا شغلهم في علاج الناس عادي. #الأطباء_مش_متقاعسين_يامدبولي".
وكتبت شيماء: "هذي يد طبيب مصري في مستشفيات العزل من القفازات الطبية.. ملحوظة بدل العدوى للأطباء في بلدي واحد دولار فقط لا غير #الأطباء_مش_متقاعسين_يامدبولي".
وبمرارة قال أمين: "الجيش الوحيد اللي بيدخل المعركة من غير سلاح الجيش الوحيد اللي لا خان ولا باع ولا فرط.. الجيش اللي بلحة مش كلف خاطره ونعى حد فيهم ولا قناة حطت شريطة سودا عشان خاطرهم.. لا بيتعاملو كويس لا أحياء ولا أموات.. عشان عند العسكر إنت مدني ملكش تمن #الأطباء_مش_متقاعسين_يامدبولي".
وغرد حساب "وضوح": "يفترض أن الطبيب يعمل بداخل منشأة مجهزة ومع طاقم متكامل حتى يستطيع هو أن يؤدي مهمته. في مصر.. يجب أن يكون الطبيب هو المنشأة وهو الطاقم!! ما فيش سوبر طبيب يا مدبولي أكتر من الطبيب المصري. #الأطباء_مش_متقاعسين_يامدبولي".
وتوجه إسلام جابر بالتحية لهم: "#الأطباء_مش_متقاعسين_يامدبولي.. شكرا ليكم.. أنتم أبطالنا الحقيقيون"، وتساءل تامر: "كل شهداء الأطباء دول ومتقاعسين؟! #الأطباء_مش_متقاعسين_يامدبولي".
وسخر عمرو من مدبولي: "#الأطباء_مش_متقاعسين_يامدبولي.. مبلولي: أقدم استقالتي دلوقتي ولا أعمل إيه؟ لأ إستنى شوية يا مبلولي لما نمسح بكرامة اللي جابوك الأرض الأول وبعدين غور في ستين داهية".
وطالب علي: "الأطباء بيشتغلوا ببلاش يعني من غير فلوس.. يعني إنسانية مش كل واحد يقول الأطباء وقلة منهم وإجراءات إدارية.. مش لما تبقوا تعطوهم مرتبات الأول تتكلموا دا إيه المرار الطافح ده.. هو لا منكم ولا كفاية شركم.. ما تسيبوا الناس بدال ما يهجوا. #الأطباء_مش_متقاعسين_يامدبولي".
تابع آخر أخبار العربي الجديد عبر Google News
